Haqqımızda

Layihənin məqsədi:

Azerbaijan Design Award layihəsi ölkəmizdə bir ilkdir. Layihənin təsisçi və təşkilatçıları dizaynerlər Rəhim İsmayılov, Ramin Nəsirov və Elşən Quliyevdir. Bu müsabiqə ölkədə dizayn səviyyəsinin yüksəldilməsi məqsədilə həyata keçirilir. Dizaynın keyfiyyətini yüksəltməklə dünya səviyyəsində dizaynerlərlə ayaqlaşmaq üçün mühit yaratmaq əsas öncəliyimizdir. 

 

Kateqoriyalar (2020):

Brendinq, qablaşdırma dizaynı, illustrasiya, veb dizayn, sənaye dizaynı, tətbiqetmə (app) dizaynı, interyer dizaynı, eksteryer dizaynı, çap dizaynı, outdoor dizaynı.

 

İlk keçirilmiş tədbir:

Layihəmiz ilk dəfə 2 mart 2019 tarixində Bakı Gənclər mərkəzində baş tutub. Layihəyə 300-dən artıq dizayner qoşulub və 350-dən artıq layihə təqdim olunub. Tədbirin final gecəsində isə 350 nəfər iştirak edib. Hər kateqoriya üzrə 1 nəfər qalib seçilib (cəmi 8 nəfər). Sertifikat və hədiyyələrlə təltif olunub.

Tədbirin qısa introsu

 

Layihənin gedişatı:

Saytımızda qeydiyyatdan keçəndən sonra müvafiq kateqoriya üzrə işi təqdim etmək lazımdır. Təqdim olunan layihələri ilk öncə təşkilatçılar süzgəcdən keçirir. Qəbul olunan işlər isə sayt üzərindən anonim olaraq münsiflərə təqdim olunur. Gizli səsvermə keçiriləndən sonra Finalçılar (short list) elan olunur. Bu siyahıda hər kateqoriya üzrə 5 layihə yer alır. Nəticələr final gününə qədər təşkilatçılar tərəfindən gizli saxlanılacaq. Final günü münsif, iştirakçı və digər dəvətlilərin qarşısında möhtəşəm tədbirdə qaliblər elan olunur.

 

İlk keçirilmiş tədbirlə bağlı bütün detallar və məlumatlar Facebook səhifəmizdən tanış ola bilərsiniz

 

İştirak şərtləri:

  • İştirakçı olmaq üçün rəsmi saytımızda qeydiyyatdan keçmək lazımdır.
  • Hər iştirakçı istənilən kateqoriyaya istənilən sayda layihə təqdim edə bilər.
  • Kateqoriya düzgün seçilməlidir. Əks halda layihə ləğv olunur.
  • Hər layihə mütləq 5 şəkildən ibarət olmalıdır.
  • Hər yüklənən şəklin maksimum ölçüsü 2 mb olmalıdır.
  • Təqdim olunan layihənin izah edici mətni olmalıdır.
  • Təqdim olunan layihələr sizə məxsus olmalıdır.
  • Layihəyə əvvəl təqdim olunan layihələr təkrar təqdim oluna bilməz.

 

Təşkilatçılar

Rəhim İsmayıl

Rəhim İsmayıl

Müəllif, həmtəsisçi

Ramin Nəsirov

Ramin Nəsirov

Həmtəsisçi