Müsabiqəyə qatılmaqla namizədlər Azerbaijan Design Award-a təqdim olunan əsərlərin hansı formada olursa olsun: real, qeyri-real çap, televiziya və ya rəqəmsal, o cümlədən internetdə və gələcəkdə çap olunacaq kitabda nəşr hüquqlarını verirlər. Azerbaijan Design Award layihəsinin təşkilatçıları əsərləri müəllif qeyd edilməklə yayımlamaq, çoxaltmaq və nəşr etdirmək hüququnu qazanır.

Plagiat hesab edilən, mənəvi və ya etik cəhətdən şübhə doğuran, təhqiredici olan əsərlər diskvalifikasiya ediləcək.

Nəzərə alın ki, kuboklar və sertifikatlar tədbirin final günü təqdim edilir. Əgər hər hansısa səbəbdən tədbirdə iştirak etməsəniz, xaricdə və ya ölkədaxili çatdırılma ehtiyacınız olarsa, alıcı olaraq idxal icazələri, idxal lisenziyaları və idxal rüsumları və ya vergiləri üçün cavabdehsiniz.

Layihəyə hər hansı əsərin (əsərlərin) təqdim olunması ödənişsizdir. Heç bir halda layihədə iştirak edən finalçı və ya mükafatçı olan əsərlərə görə ödəniş tələb oluna bilməz.

Azerbaijan Design Award layihəsi şəxsi qeydiyyat məlumatlarının 3-cü şəxsə ötürülməməsinə görə cavabdehlik daşıyır.